Тіл таңдап алу: Анғлыша Орысша Датша

Біз жайлы

Қоғамдық бірлестігінің тарихы

Арал ауданына 1991 жылы халықаралық экологиялық топ келді. Сол кездегі Дания және қазақ балықшылары кездесу нәтижесі болып балық аулау арқылы теңізді қайта қалпына келтіру идеясы туды. Ол Халықаралық Дат-Қазақ «Каттегаттан Арал Теңізіне дейін» жобасының бастамасы болды. Жобаның барысында Дания еліне қазақ делегациясы жол сапармен барды. Арал балықшылары балықшылар кооперативтеріне бірікті, 1996 жылы Кіші Арал теңізінде алғаш рет камбала аулауды ұйымдастырды. Соның нәтижесі болып Арал теңізінде балық шаруашылығын дамытуға мүмкіншілік бар екендігі дәлелденді. Дат делегациясыменен жұмыс жасаған топ 1998 жылы «Арал Теңізі» қоғамдық бірлестігінің үйлестірушілері болып танылды.

«Арал Теңізі» ҚБ мақсаты

  • теңізде тұрақты балық аулау ісін қолдау арқылы Арал Теңізін қалпына келтіру.

«Арал Теңізі» ҚБ нысандары

  • Арал балықшыларының, олардың отбасыларының әлеуметтік, экономикалық және экологиялық жағдайын жақсарту;
  • Тұрақты балық аулау кәсіпшілігімен айналысушы жергілікті халыққа және бірлестіктерге практикалық көмек көрсету;
  • Теңізді қалпына келтіруге және жергілікті аймақтың экологиялық жағдайын жақсартуға мүдделі инвесторлар мен донорларды тарту;
  • Аумақтық және халықаралық бейүкіметтік ұйымдармен байланыс орнату, тәжірибе алмасу;
  • Ғылыми –зерттеу ұйымдарына зерттеу жүргізуде көмек көрсету;
  • Қоғамдық ұйымның мақсатына қол жеткізу ісіне еріктілерді тарту;
  • Теңізді қалпына келтіру мақсатында бөгет салуға көмек көрсету.

«Арал Теңізі» қоғамдық бірлестігінің ұйымдастыру жүйесі

Бірлестік қызметін басқару үшін мынадай органдар құрылады:
Жоғары басқару органы – бірлестікке қатысушылардың Жалпы Жиналысы,
Басқару органы – Бірлестік басқармасы.
Атқару органы (бірден-бір) – Президент.
Бақылау –тексеру органы – Тексеру комиссиясы.

Егер де жобалар атқарылатын болса (Басқарма мүшелерінің келісуіменен) – жобаның атқарушы штаты жоба үйлестірушісіменен бекітіледі және де «Арал теңізі» ҚБ президент бұйрығыменен жұмысқа алынады.

«Арал Теңізі» ҚБ штаты: күзет қызметі, техникалық қызметкерлер, қоғам президенті.
«Каттегаттан Арал Теңізіне дейін» жобасының штаты: жергілікті координатор, тұрақтылық менеджері, даму менеджері, офис менеджері биологиялық мониторинг менеджері, қаржы жөніндегі менеджер.
«Камбала балық» балықшылар орталығының штаты: 30 адам.